Bir evdən 3 dəfə oğurluq etdilər - Tamahın yenə bilməyən dəstə, nəhayət, tutuldu - FOTO

Oxunma sayı: 121
19 Noyabr 2019, 18:10
Bir evdən 3 dəfə oğurluq etdilər     - Tamahın yenə bilməyən dəstə, nəhayət, tutuldu - FOTO

Sizin reklam yeriniz     Ölçü: 679x60

(+994 50) 721 55 55

Abşeron rayonu ərazisindəki evlərin birindən oğurluq edilib.

 

Daxili İşlər Nazirliyindən Azmedia.Az-a verilən məlumata görə, naməlum şəxslər mənzilə daxil olaraq oradan 59.550 manat dəyərində geyim və məişət əşyaları oğurlayıblar. Zərərçəkənlər polisə hadisə barədə məlumat verən kimi cinayəti törədən şəxslərin axtarışlarına başlanılıb.

 

Abşeron Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində qeyd edilən hadisəni törətməkdə şübhəli bilinən Masazır qəsəbə sakinləri, əvvəllər məhkum olunmuşlar - Bəxtiyar Aslanov, Qara Məmmədov və Elmir Bəndəliyev saxlanılıblar. Araşdırma zamanı müəyyən edilib ki, dəstə üzvləri müxtəlif vaxtlarda qeyd edilən evə oğurluq məqsədi ilə 3 dəfə daxil olublar. Həmin mənzildən 3-cü dəfə oğurluğa isə dəstənin digər üzvü Bəxtiyar Aslanov tək daxil olub. O, sonuncu dəfə evdə olan divan və kresloları oğurlayaraq satıb.

 

Qeyd edək ki, saxlanılan şəxslərin oğurladıqları məişət və geyim əşyaların bir qismi polislər tərəfindən aşkar olunaraq maddi sübut kimi götürülüb. Faktla bağlı saxlanılan şəxslər barəsində Cinayət Məcəlləsinin müvafiq maddələri ilə cinayət işi başlanılıb. Dəstə üzvlərinin Abşeron rayonu və digər ərazilərdə oğurluqlarda iştirak edib-etmədikləri istintaq araşdırmalarından sonra məlum olacaq.

Fotoları təqdim edirik
Paylaş
Xəbər lentİ
Çox oxunanlar