Azərbaycan millisi Bakıda təşkil olunan “FIFA series - Edition 2024” layihəsində bu gün növbəti oyununu keçirəcək.
Azmedia.az Fanat.Az-a istinadən xəbər verir ki, Arif Əsədovun başçılıq etdiyi yığma Bolqarıstan ilə üz-üzə gələcək.
Tofiq Bəhramov adına Respublika stadionunda baş tutacaq qarşılaşma saat 20.00-da başlayacaq.
Görüşü estoniyalı hakim Kristo Tohver idarə edəcək. Saat 17.00-da start götürəcək digər oyunda Tanzaniya və Monqolustan seçmələri qarşılaşacaqlar.
Qeyd edək ki, komandamız ilk matçında Monqolustana, bolqarlar isə Tanzaniyaya 1:0 hesabı ilə qalib gəlib.
“FIFA series – Edition 2024”
25 mart
20.00. Azərbaycan – Bolqarıstan
Baş hakim: Kristo Tohver (Estoniya)
Bakı, Tofiq Bəhramov adına Respublika stadionu