“Bank of Baku”nun vəzifəli şəxsi cərimələndi

Mərkəzi Bank “Bank of Baku”nun vəzifəli şəxsini cərimə edib.

Azmedia.Az bu barədə AMB-yə istinadən xəbər verir. Məlumata görə, Mərkəzi Bank tərəfindən aparılan cari nəzarət prosesləri çərçivəsində “Banklar haqqında” Azərbaycan Respublikası Qanununun 35.4-cü maddəsinin, “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndinin tələblərinin pozulması faktı qeydə alınıb. 

 İnzibati Xətalar Məcəlləsinin 440.1-ci maddəsinə müvafiq olaraq “Bank of Baku” ASC-nin vəzifəli şəxsi 1 500 manat məbləğində cərimə edilib.

Qeyd edək ki, sözügedən pozuntu halı məlumatların həmin qanunlarda müəyyən olunmuş qaydada təqdim edilməməsinə, yaxud tam, düzgün və ya vaxtında təqdim edilməməsi ilə bağlıdır.