Abdullah Zubir qarşıdakı 2 ili Azərbaycanda keçirəcək.
2018-ci ildən ölkəmizdə legioner həyatı yaşayan fransalı vinger karyerasının növbəti bölümünü də «Qarabağ»a aid etməyi lazım bilib.
Azmedia.Az sportinfo.az-a istinadən xəbər verir ki, hazırkı sözləşməsi iyunda başa çatacaq 33 yaşlı oyunçu klubun irəli sürdüyü yeni şərtlərlə razılaşıb. Bunun əsasında onun əməkhaqqısının bir qədər də artırılması qərara alınıb.
Zubir «Qarabağ»a «Lans»dan gəlib. Daha öncə Şotlandiyada «Hibernian» və Rumıniyada «Petrolul»un formasını geyinib.