Azmedia.az xəbər verir ki, Buta.ws-in həyata keçirdiyi "Məşhur qonağım" rublikasının bu dəfəki qonağı sevilən müğənni Mənzurə Musayeva olub.
Mənzurə xanım sayta özəl müsahibə verib.
- Mənzurə xanım, karantin müddətini neçə keçirirsiniz? Mətbəxlə aranız necədir?
- Əlbəttə, biz də evdə qal, sevdiklərini, əzizlərini qoru missiyasını həyata keçiririk. Efirlərə dəvət alanda da gedirəm. Yalnız vacib işim olduğu təqdirdə çıxıram bayıra. Mətbəxlə aram o qədər də yaxşı deyil. Arada özümə diyetik kükü, çörək bişirirəm.
- Həyatda ən sevincli və ən kədərli gününüz hansı olub?
- Həyatda sevincli günlərim çox olub. Ən sevincli günlərimdən biri də qızımın toyu günü oldu. Tək qaldığım günlər mənim ən kədərli günlərimdir.
- Şou aləmində deyirlər dost olmur. Bəs sizin rəfiqəniz varmı? Yoxsa, siz də şou aləmindəkilərə inanmayanlardansınız?
- Nəinki şou aləmində, heç həyatda da heç vaxt rəfiqəm olmayıb. Dostlarım var. Amma yaxın rəfiqəm heç vaxt olmayıb. Bayaq da qeyd elədim ki, insan tək olanfa kədərlənir, duyğusallaşır.
- Sənətə gələndə kimi özünüzə örnək götürmüsünüz?
- Bir nəfər olub, o da Zeynəb Xanlarova...
- Fanatlarınızdan aldığınız ən maraqlı mesaj hansı olub?
- Bəzən görürsən fanatlarım mesaj yazırlar ki, qızımıza sizin adınızı qoymuşuq. Bu mənim üçün çox xoşdur. Hətta məndə olmayan şəkilləri də yığıb atırlar. Həmin şəkillərdən heç mənim xəbərim olmur.
- Oxuyarkən özünüzü tapdığınız musiqi hansıdır?
- "Mənim ürəyim sənsən"
- Bəziləri var ki, ucuz reklamlarla gündəmə gəlirlər, bir iki günə unudulurlar. Buna münasibətiniz nədir?
- Bu hər zaman olub ki, antireklamlarla gündəmə gəliblər. Gündəmə gəlmək üçün hər şey edirlər. Amma şükürlər olsun ki, mən elələrindən olmamışam, olmaram da. Amma ki, unudulanlar çoxdur. Bəzən məşhur sənətkarlar unudulur.