Nursultan Nazarbayev Prezident İlham Əliyevi təbrik edib

Oxunma sayı: 888
Siyasət       18 Fevral 2020, 14:49
Nursultan Nazarbayev Prezident İlham Əliyevi təbrik edib

Sizin reklam yeriniz     Ölçü: 679x60

(+994 50) 721 55 55

Qazaxıstan Respublikasının birinci Prezidenti - Elbası Nursultan Nazarbayevdən Azərbaycan Respublikasının Prezidenti İlham Əliyevə təbrik məktubu gəlib.

 

Azmedia.Az AZƏRTAC-a istinadən xəbər verir ki, təbrikdə deyilir:

 

"Hörmətli İlham Heydər oğlu.

 

Rəhbəri olduğunuz Yeni Azərbaycan Partiyasının fevralın 9-da Azərbaycan Respublikasının Milli Məclisinə keçirilən növbədənkənar seçkilərdə qalib gəlməsi ilə əlaqədar Sizi səmimi qəlbdən təbrik edirəm.

 

Hesab edirəm ki, bu qələbə Sizin konstruktiv xarici və daxili siyasətinizin, həmçinin həyata keçirdiyiniz islahatlara Azərbaycan xalqının dəstəyinin nəticəsidir.

 

"Nur-Otan" Partiyasının sədri olaraq Qazaxıstanın və Azərbaycanın aparıcı siyasi qurumları arasında səmimiyyətə və etimada söykənən münasibətləri yüksək qiymətləndirirəm.

 

Əminəm ki, Qazaxıstan Respublikasının və Azərbaycan Respublikasının xalqları arasında əsl dostluq üzərində qurulan əməkdaşlıq bundan sonra da möhkəmlənəcək.

 

Hörmətli İlham Heydər oğlu, fürsətdən istifadə edərək Sizə möhkəm cansağlığı, bütün təşəbbüslərinizdə uğurlar, qardaş Azərbaycan xalqına sülh və rifah arzulayıram".

Paylaş
Loading...
Xəbər lentİ
Çox oxunanlar