Vətəndaşları karantin postlarından 50 manata keçirən “polis” tutuldu

Oxunma sayı: 618
Cəmiyyət       29 İyun 2020, 17:28
Vətəndaşları karantin postlarından 50 manata keçirən     “polis” tutuldu

Sizin reklam yeriniz     Ölçü: 679x60

(+994 50) 721 55 55

Özünü polis əməkdaşı kimi qələmə verən və vətəndaşların etibarından sui-istifadə edərək onlardan müxtəlif məbləğlərdə pul alan, əvvəllər məhkum olunmuş Qaradağ rayonunun Ələt qəsəbə sakini Zamiq Əhmədov saxlanılıb.

 

Azmedia.az  xəbər verir ki, bu barədə Daxili İşlər Nazirliyinin (DİN) Mətbuat Xidmətindən məlumat verilib.

 

Belə ki, saxlanılan şəxs ayrı-ayrı vətəndaşlardan aldatma yolu ilə 50 manat məbləğində pul müqabilində onları şəhərin giriş-çıxışlarında quraşdırılmış polis nəzarət postlarından yayındırıb, kənar və torpaq yollarla şəhər və bölgələr istiqamətində keçirib. Sonuncu belə əməliyyat zamanı o, polis əməkdaşları tərəfindən saxlanılıb.

 

Saxlanılan şəxs törətdiyi cinayət əməlini etiraf edib.

 

Qeyd edək ki, Z.Əhmədov bundan əvvəl CM-in 178-ci, yəni dələduzluq maddəsi ilə həbs edilib.

 

Polis əməkdaşlarının keçirdiyi növbəti tədbir nəticəsində Göyçay rayon sakini Nahid Şıxəliyev yaşadığı rayondan öz avtomobili ilə gətirdiyi həmyerlilərini Bakıya, Ələt qəsəbə sakini Şamo Şamilov da ayrı-ayrı şəxslərdən aldığı pul müqabilində onları polis nəzarət postlarından torpaq yolla keçirərkən saxlanılıblar.

 

Saxlanılan hər üç şəxs barəsində məhkəmənin qərarı ilə inzibati qaydada həbs qərarı çıxarılıb.

 

 

 

 

Paylaş
Loading...
Xəbər lentİ
Çox oxunanlar