Nəsimi rayonunda abadlıq işləri davam etdirilir - Fotolar

Oxunma sayı: 192
Ölkə       7 Avqust 2020, 14:31
Nəsimi rayonunda abadlıq işləri davam etdirilir        - Fotolar

Sizin reklam yeriniz     Ölçü: 679x60

(+994 50) 721 55 55

Bakı şəhərində aparılan genişmiqyaslı abadlıq-quruculuq işləri çərçivəsində Nəsimi rayonu ərazisində də küçə və parkların, məhəllə və binaların abadlaşdırılması, yeni infrastrukturların yaradılması, yaşıllıqların salınması işləri uğurla davam etdirilir.

 

Azmedia.az xəbər verir ki, hazırlanmış layihəyə uyğun olaraq Moskva prospekti boyunca genişmiqyaslı abadlıq, quruculuq, yenidənqurma və yaşıllaşdırma işləri başa çatdırılmış, Moskva prospekti 46,52, 58, 62, 70, 74, 82, 86, 90, 92 və 96 saylı binaların fasadlarında bərpa və rənglənmə işləri aparılmış, binaların həyətlərində özbaşına hasara alınmış sahələrin çəpərləri sökülərək ərazilər əhalinin ümumi istifadəsinə qaytarılıb.

 

Görülmüş işlər çərçivəsində 3000 kv.m-dən artıq qazon örtüyü vurulmuş, 2500 kv.m-ə yaxın səki daşları yenilənmiş, 1900 p/m yeni bardür quraşdırılmışdır.Əraziyə 2000 kv.m-dən artıq asfalt vurulub, yaşıllıqların sulanması üçün yeni su xəttləri çəkilib, yeni salınmış yaşıllıqların mühafizəsi üçün dəmir barmaqlıqlar quraşdırılıb, 600-dən artıq müxtəlif növ həmişəyaşıl ağac və kollar əkilib. Sakinlərin asudə vaxtlarının səmərəli təşkili üçün Moskva prospekti 52, 74, 82 və 96 saylı binaların həyətlərinə söhbətgahlar qoyulub.

 

Görünüşə xələl gətirən özbaşına quraşdırılmış primitiv reklamlar yığışdırılaraq ərazidə yeni yaşıllıq zolaqları salınıb, mövcud yaşıllıqlar bərpa edilib. Tbilisi prospekti boyunca istinad divarlarında bərpa və rənglənmə işləri başa çatdırılıb.


A.Salamzadə və M.Cəfərov küçələri ilə Tbilisi prospektinin kəsişməsində piyadaların sərbəst və təhlükəsiz hərəkətləri üçün yeni səkilər yaradılıb, Moskva prospektindən 48, 52 və 84 saylı evlərin məhəllələrinə dönən məhəllə daxili yollarda bərpa işləri aparılaraq 1500 kv.m-dən artıq asfalt örtüyü vurulub.

 

Moskva prospekti 74 və 82 ünvanlarında məişət tullantıllarının müvəqqəti toplanması üçün inşa edilən müasir tələblərə uyğun zibil meydançalarında yekun tamamlanma işləri aparılır. Nizami küçəsinin K.Səfərəliyeva küçəsi ilə kəsişməsindən başlayaraq küçənin sonunaqədər aparılan əsaslı təmir işləri, piyada səkilərinin yenilənməsi və küçə işıqlarının quraşdırılması işləri yekunlaşmaq üzrədir.

 

Hazırda Moskva prospekti, 20 Yanvar, A.Məhərrəmov və M.Cəlal küçələrinin əhatə etdiyi kvartalda ( “Şamaxinka” deyilən ərazidə) genişmiqyaslı abadlıq-quruculuq və yaşıllaşdırma işləri həyata keçirilir. İşlərin keyfiyyətlə həyata keçirilməsi daim nəzarətdə saxlanılmaqla, hazırda rayonun ayrı-ayrı ünvanlarında başlanılmış abadlıq, quruculuq və yenidənqurma işləri davam etdirilir. Rayon İcra Hakimiyyəti tərəfindən sakinlərin müraciətləri və yerlərdən olan təkliflər nəzərə alınaraq yeni layihələr müzakirə olunur.

Fotoları təqdim edirik
Paylaş
Loading...
Xəbər lentİ
Çox oxunanlar