Yazdığı yazıya görә jurnalistin mәhkәmәyә verilməsində birbaşa İsa Qəmbərin әli var - Yafəz Əkrəmoğlu

Oxunma sayı: 376
Siyasət       12 Dekabr 2019, 11:59
Yazdığı yazıya görә jurnalistin mәhkәmәyә verilməsində birbaşa İsa Qəmbərin әli var     - Yafəz Əkrəmoğlu

Sizin reklam yeriniz     Ölçü: 679x60

(+994 50) 721 55 55

"İsa Qәmbәr onun statusunun alta yazdığım ironik şәrhi silib. Şәrhdә ona sual edirәm ki, "Bәy, bu basabasda mәni niyә mәhkәmәyә vermisiz" . Tәhqirsiz şәrhi silmәk dә söz azadlığına bir münasibәtdir".

 

Azmedia.Az Trend-ə istinadən xəbər verir ki, bunu Avropada yaşayan Müsavatçı jurnalist Yafəz Əkrəmoğlu özünün "Facebook" səhifəsində yazıb.

 

O xatırladıb ki, yazdığı tәnqidi fikirlәrә görә, Müsavat rәhbәrliyi onu mәhkәmәyә verib: "Soruşa bilәrsiniz ki, bunun İsa Qәmbәrә nә aidiyyatı var, o ki, partiyada rәsmi rәhbәr deyil.

 

Çoxları bilir ki, İsa Qәmbәrin tәşәbbüsü vә ya icazәsi olmadan partiyada keç kim qәrar qәbul edә bilmәz. O da qala, jurnalisti yazdığı yazıya görә mәhkәmәyә vermәk. Bu mәsәlә(lәr)dә birbaşa onun әli var".

 

Qeyd edək ki, Müsavat Partiyasının İcra Aparatının rəhbəri Gülağa Aslanlı Almaniyada yaşayan jurnalist Yafəz Həsənovun (Əkrəmoğlu) cinayət məsuliyyətinə cəlb edilməsi ilə bağlı məhkəməyə müraciət edib.

 

Xatırladaq ki, ötən ay Almaniyanın hüquq-mühafizə orqanları Azərbaycanın müxalifət partiyasının keçmiş üzvlərini saxlayıb. Cinayətkar şəbəkəyə daxil olan 7 nəfər həbs edilib. Cinayətkar dəstənin saxlanılan üzvləri barəsində yerli federal məhkəmələr tərəfindən 6 ay müddətinə həbs qətimkan tədbiri seçilib.

 

Onlar Ədliyyə Nazirliyi Penitensiar Xidmətinin 9 və 14 saylı məntəqə tipli cəzaçəkmə müəssisələrinin sabiq rəisi Elçin Əkbərov, Müsavat Partiyası Avropa Koordinasiya Mərkəzinin (Müsavat AKM) sədri, Kəlbəcər rayonunun sabiq icra başçısı İlham Həsən, Müsavat partiyasının üzvü, Müsavat AKM sədrinin müavini Mehdi Xəlilbəyli, Müsavat AKM-in üzvü Abdin Cavadov, sabiq deputat Sabir Rüstəmxanlının qardaşı, "Leqat" inteqrasiya mərkəzinin rəhbəri, sabiq polis rəisi Əlövsət Əliyev, Mehdi Xəlilbəylinin sürücüsü Rəşad Məmmədov, Müsavat Partiyasının üzvü Elşən Abdullayevdir.

 

Məlum olub ki, həbs edilənlər Almaniyada "miqrant alveri" ilə məşğul olmaqda , o cümlədən 3-10 min avro arası ödəmə qarşılığında insanları qaçaq yollarla Almaniyaya aparmaqda şübhəli bilinirlər.

Paylaş
Loading...
Xəbər lentİ
Çox oxunanlar