Instagram siqaret və silah məhsullarının reklamlarını siləcək

Oxunma sayı: 31
Texnologiya       25 Dekabr 2019, 16:18
Instagram siqaret və silah məhsullarının reklamlarını siləcək

Sizin reklam yeriniz     Ölçü: 679x60

(+994 50) 721 55 55

Məşhur Instagram fotoservisi elektron siqaret, adi siqaret, silah, alkoqol və pəhriz əlavələri kimi məhsulların reklamlı paylaşımlarının idarə olunmasını sərtləşdirəcək. Fotoservisin təmsilçiləri bildiriblər ki, elektron siqaret, adi siqaret və alkoqollu içkilər kimi məhsulların reklamları daha öncə də qadağan edilmişdi. Lakin yaxın bir neçə həftə ərzində fotoservis bu cür reklamlı paylaşımları bir dəfəlik siləcək. Bu barədə Rusbase saytı xəbər verib.

 

    Alkoqollu içkilərin və pəhriz əlavələrinin reklamlarına gəldikdə isə Instagram həmin məhsulların reklamlarının məhdudlaşdırılmasını tələb edəcək. Gələn il bu cür məhsulların reklamları ilə məşğul olan şəxslər üçün Instagram daxilində xüsusi funksiya təqdim ediləcək. Həmin funksiya sayəsində şəxslər bu cür məhsulların müəyyən yaş istifadəçilərə göstərilməsini dayandıra biləcəklər.

 

Bununla yanaşı fotoservis Brand Collabs Manager adlı aləti də anons edib. Həmin alət vasitəsilə istifadəçilər və brendlər bir-birilərini axtararaq reklam elanlarının yerləşdirilməsi üzrə danışıqlar apara bilərlər. Əvvəllər istifadəçilər brendlərə öz paylaşımlarının baxış sayı və digər göstəricilər üzrə statistikalarını göndərirdilərsə yeni alətdə bütün bu göstəricilər avtomatik olaraq əks olunacaqlar. Bu yeni özəllik hələ ki, az sayda influencerlər üçün aktivdir.

 

Qaragöz Dadaşova 

Fotoları təqdim edirik
Paylaş
Loading...
Xəbər lentİ
Çox oxunanlar