Astarada narkotacirlər tutuldu

Oxunma sayı: 30
Cəmiyyət       13 Yanvar 2020, 11:19
Astarada narkotacirlər tutuldu

Sizin reklam yeriniz     Ölçü: 679x60

(+994 50) 721 55 55

Astara Rayon Polis Şöbəsinin əməkdaşları tərəfindən 2,5 kiloqramdan artıq heroin aşkarlanaraq qanunsuz dövriyyədən çıxarılıb.

 

Azmedia.az bildirir ki, bununla bağlı Daxili İşlər Nazirliyinin Mətbuat Xidmətinin Lənkəran regional qrupundan məlumat verilib. 

 

Bildirilib ki, Astara rayonunun Ərçivan qəsəbə sakini Qurbanəli Əliyev narkotik vasitə olan heroini Siyəzən rayonunun Zarat kənd sakini, əvvəllər məhkum olunmuş Ceyhun Xalıqova satmaq istəyərkən hər ikisi saxlanılıb. 

 

Astara Rayon Polis Şöbəsinə gətirilən Q.Əliyevin üzərindən bir ədəd bağlamada 2 kiloqram narkotik vasitə olan heroin, C.Xalıqovun üzərindən isə bir bükümdə 1,25 qram heroin aşkarlanaraq götürülüb.

 

Araşdırmalarla Q.Əliyevin narkotik vasitəni İran vətəndaşından əldə etdiyi, Astara rayonunun Pensər kəndi ərazisində əvvəlcədən gizlədilmiş yerdən götürdüyü müəyyən edilib. Astara Rayon Polis Şöbəsinin əməkdaşlarının keçirdikləri digər əməliyyat tədbiri nəticəsində Astara şəhər sakini olan Şəbir Səmədli bir büküm heroini satarkən cinayət başında saxlanılıb.

 

Onun üzərinə və yaşadığı evə keçirilən baxış zamanı ümumilikdə 530 qram heroin aşkar edilərək götürülüb.

 

Faktlarla bağlı araşdırma aparılır.

Fotoları təqdim edirik
Paylaş
Loading...
Xəbər lentİ
Çox oxunanlar