Rusiya prezidentinin mətbuat katibi Dmitri Peskov Fransa lideri Emmanuel Makrona cavab verib.
Peskov Makronun açıqlamasını əsassız və qəbuledilməz adlandırıb.
Buna qədər Fransa lideri bildirib ki, Moskva Parisdə Olimpiadanın keçirilməsinə müdaxilə etməyə çalışacaq.
Kreml rəsmisi Çexiyanın nəqliyyat naziri Martin Kupkanın da Rusiyanın guya ölkənin nəqliyyat infrastrukturuna kiberhücumlarda əli olması barədə sözlərini də şərh edib:
"Bunlar tamamilə əsassız ittihamlardır. Həm birinci, həm də ikinci açıqlama. Bunlar tez-tez eşidilir, lakin heç vaxt heç bir adekvat sübut və ya arqumentlə dəstəklənmir. Biz bu cür ittihamları qətiyyən qəbul etmirik".