Yaddaşı yaxşılaşdırmaq üçün proqram hazırlanıb

Azmedia.Az xəbər verir ki, Toronto Universitetinin kanadalı alimləri demans, xüsusən də alzheimer xəstəliyində yaddaşı yaxşılaşdırmaq üçün proqram yaradıblar.

İşin nəticələri Proceedings of the National Academy of Sciences (PNAS) jurnalında dərc edilib.

Smartfon proqramı yaddaşın qurulması və saxlanmasında beynin hipokampının funksiyasını təqlid edə bildiyi üçün HippoCamera adlandırılıb. Tətbiq həmçinin beyində saxlanılan xatirələrin kodlaşdırılmasını təkmilləşdirir, gündəlik hadisələrə diqqəti artırır və gücləndirir, nəticədə daha zəngin, daha dolğun xatirələr yaranır.

Müəlliflər hesab edirlər ki, onların kəşfi alzheimer xəstəliyinin və ya yaddaş pozğunluğunun digər formalarının erkən mərhələlərində olan insanlar üçün faydalı ola bilər.

Mənbə: Lenta.ru

Azmedia.Az