Bu müayinə ilə xərçəngin qarşısını vaxtında almaq olar - Onkoloq danışır

Oxunma sayı: 175
9 Noyabr 2019, 19:59
Bu müayinə ilə xərçəngin qarşısını vaxtında almaq olar     - Onkoloq danışır

Sizin reklam yeriniz     Ölçü: 679x60

(+994 50) 721 55 55

Bəzi xəstəliklərin müalicəsi olduqca çətindir, məsələn, onkoloji xəstəliklər kimi. Bu xəstəliyin adı belə insanları qorxuya salır. Xərçəng çox zaman insanın ölümünə də səbəb olur. Onkoloji xəstəliklərin erkən mərhələdə aşkar edilməsi, müalicənin uğurlu olması baxımından da əhəmiyyətlidir. Hazırda xərçəngə qarşı önləyici tədbir kimi skrinninq proqramlar hazırlanıb.

 

Maraqlıdır, onkoloji skrinninq nədir? Müayinəsi necə aparılır?

 

Azmedia.Az xəbər verir ki, bu barədə Lent.az-a danışan onkoloq Aysel İbrahimova bildirib ki, onkoloji skrinninq sözügedən xəstəlik yaranmağa başladıqda, onun erkən aşkarlanmasıdır.

 

"Hər onkoloji xəstəliyin öz skrinninqi mövcuddur. Məsələn, baş-boyun onkologiyası, döş onkologiyası, kiçik çanaq üzvlərinin onkologiyası və s. hər xəstəliyin özünə aid konkret skrinninqi olunur. Amma hazırda onkoloji skrinninqin tətbiq olunan növü tomoqrafiya (MRT) və ultrasəs müayinələrdir. Lakin vurğuladığım kimi, hər onkoloji xəstəliyin özünə uyğun onkoloji skrinninqi aparılır".

 

Mövzu ilə bağlı Kliniki Tibbi Mərkəzin cərrahı Rövşən İbrahimov da açıqlama verib.

 

O, bildirib ki, onkoloji skrinninq - xüsusi instrumental laborator müayinələrə əsasən, heç bir onkoloji xəstəlik əlaməti daşımayan insanlarda bədxassəli törəmələrin aşkar olunmasıdır:

 

"Orqanizmdə latent formada mövcud olan onkoloji xəstəliklər özünü büruzə verməyə bilər və belə hallarda problemdən tez xəbər tutmaq üçün onkoloji skrinninq vacib prosedurdur".

 

Həkim əlavə edib ki, bu cür xəstəliklərin risk qrupuna zərərli vərdişləri (içki, siqaret) olan, artıq çəkili, yaşı 50-dən çox, ailəsində onkoloji xəstələr olan, səbəbsiz arıqlayan və iştahasızlıq əmələ gələn insanlar, hepatit B, C virusu, insan papilloma virusu olanlar, immun çatışmazlığı olanlar, əlverişsiz şəraitdə işləyənlər, əsəbi olanlar, yuxusuzluq, stress və digər əlamətlərdən əziyyət çəkənlər daxildir.

Paylaş
Xəbər lentİ
Çox oxunanlar