Baki 27°C
Venesuela hökuməti Türkiyə Prezidenti Rəcəb Tayyib Ərdoğanın ölkəyə səfərinə hazırlaşır.
Bu barədə Venesuela lideri Nikolas Maduro bildirib:
“Yaxın günlərdə Prezident Ərdoğanı Venesuelada qəbul edəcəyik. Venesuelanın inkişafı və iqtisadi dirçəlişinə böyük təsir göstərəcək bu səfərə hazırlaşdığımız üçün bir daha xoşbəxtik”, - deyə Maduro Türkiyənin bu ölkədəki missiyasını başa vuran səfiri ilə görüşdə deyib.
Xatırladaq ki, iyunun əvvəlində Nikolas Maduro Ankaraya səfər edib və orada Rəcəb Tayyib Ərdoğanla görüşüb. Türkiyə prezidenti sonuncu dəfə 2018-ci ildə Venesuelaya səfər edib.
Mənbə: TASS
