Azmedia.az istinadən xəbər verir ki, Türkiyə Suriya və İraqın hava hissəsində quru əməliyyatı keçirmək imkanını nəzərdən keçirməyə başlayıb.
CNN Türk xəbər verir ki, bu barədə prezident Rəcəb Tayyib Ərdoğan bildirib.
“Bu, təkcə hava kampaniyası ilə məhdudlaşmır. Quru qoşunlarının buraya nə qədər cəlb olunacağına müvafiq bölmələrimiz, Müdafiə Nazirliyimiz və Baş Qərargahımız birlikdə qərar verir”, - Türkiyə prezidenti bildirib.
O əlavə edib ki, quru əməliyyatının keçirilməsi barədə qərar müvafiq məsləhətləşmələrdən sonra veriləcək.
Qeyd edək ki, noyabrın 21-i səhər saatlarında Türkiyə İraq və Suriyanın şimalında kürdlərə qarşı havadan hərbi “Pəncə-qılınc” əməliyyatı keçirib. Zərbələr İstanbulda silsilə partlayışlardan sonra baş verib. Türkiyə hakimiyyəti onları kürd hücumları kimi qiymətləndirib.
Bundan əlavə, Karkamış şəhərinə dörd raketin atıldığı və Türkiyə hakimiyyətinin məlumatına görə, Türkiyədə terrorçu kimi tanınan PKK partiyası tərəfindən Suriya ərazisindən buraxıldığı bildirilib.
Əliyeva Ülkər
Azmedia.az