Baki 27°C
Estoniya yeni hərbi yardım paketinin bir hissəsi olaraq Ukraynaya gecəgörmə cihazları, eləcə də atıcı silahlar üçün sursat verəcək. Bu barədə ölkənin müdafiə naziri Anno Pevkur məlumat verib.
“Sabah Ramşteyndə mən Ukraynanın müdafiə naziri Aleksey Reznikovla da görüşəcəyəm, onunla Estoniyanın Ukraynaya necə və daha nələrdə kömək edə biləcəyini müzakirə edəcəyik”, - deyə Estoniya müdafiə departamentinin rəhbəri bildirib.
Əlavə olaraq qeyd etmək yerinə düşər ki, sabahkı Ramşteyndə İspaniya Ukraynaya hərbi yardım edəcəyini açıqlayacaq. Krallığın Müdafiə Nazirliyinin məlumatına görə, dəstək quru qoşunlarının mühafizəsi, hava hücumundan müdafiə, eləcə də dəniz qüvvələrinin mühafizəsinə aid olacaq.
NATO-nun baş katibi Yens Stoltenberq cümə axşamı Kiyevə səfəri zamanı Ukrayna prezidenti Vladimir Zelenski ilə birgə mətbuat konfransında Kiyevə təxminən 150 milyard dollar hərbi və maliyyə yardımı köçürdüyünü açıqlayıb.
Mənbə:Mk.ru
Azmedia.Az
