Fransa Rusiya vətəndaşlarına viza verməyə davam edir

Fransa Xarici İşlər Nazirliyinin mətbuat xidməti Rusiya vətəndaşlarına viza verilməsinə birbaşa qadağaların olmadığını bildirib. Bəzi dəyişikliklər olsa da, vizaların verilməsi davam edir.

"Prinsipcə heç bir qadağa yoxdur. Konsulluq xidmətləri Rusiya vətəndaşlarının viza müraciətlərini qüvvədə olan qanunvericiliyə uyğun olaraq, Avropa İttifaqının Aİ və Rusiya arasında viza rejiminin sadələşdirilməsi sazişinin tam dayandırılmasını nəzərə alaraq, baxır", - deyə Fransa Xarici İşlər Nazirliyinin nümayəndələri bildiriblər.

Bundan əvvəl, aprelin əvvəlində Rusiya Turoperatorları Assosiasiyası bildirmişdi ki, Rusiya Federasiyasında Şengen vizalarına tələbat yoxdur və orta hesabla üç həftə müddətinə baxılır. 

Eyni zamanda assosiasiya xatırladıb ki, Yunanıstan, Fransa, İtaliya, İspaniya, Avstriya, Macarıstan və Kipr Rusiya Federasiyası vətəndaşlarına Şengen vizalarının verilməsini davam etdirir.

mənbə:Mk.ru

Azmedia.Az