Hindistanın Baş naziri: Heç bir ölkə G20 qərarlarından kənarda qalmamalıdır

Baş nazir Narendra Modi, Yeni Dehli G20-nin sədrliyi altında keçirilən inkişafla bağlı nazirlər toplantısının iştirakçılarına müraciətində bütün bəşəriyyətin G20 qrupunun qərarlarından asılı olduğunu, ona görə də heç bir ölkənin geridə qalmamalı olduğunu söyləyib.

Bu barədə TASS məlumat yayıb.

“Biz heç kimin geridə qalmamasına əmin olmalıyıq. G20 üçün bu vəzifəni yerinə yetirmək üçün fəaliyyət planımız olduğuna dair dünyaya güclü bir mesaj göndərməsi çox vacibdir”, - deyə Modi paylaşıb.

O, həmçinin vurğulayıb ki, G20 davamlı inkişafa daha çox sərmayə qoymalıdır. Onun sözlərinə görə, bir çox maliyyə institutlarında islahatlar aparılmalıdır. Bu, həqiqətən ehtiyacı olan ölkələrin inkişafını təmin etməyə kömək edəcək.

Modi əlavə edib ki, G20 ölkələrinin səyləri "hərtərəfli və ədalətli" olmalıdır, o zaman davamlı inkişafa nail olmaq və bir çox ölkənin üzləşdiyi mövcud riskləri aradan qaldırmaq üçün həll yollarını tapmaq mümkün olacaq.

mənbə:qazeta.ru

Azmedia.Az