Polşanın Avropa İttifaqındakı səfiri Anjey Sados Aİ-ni ondan nümunə götürməyə və Belarusa qarşı sanksiyalar tətbiq etməyə çağırıb.
Reuters xəbər verir ki, bu barədə o, Brüsseldə jurnalistlərə bildirib.
Onun sözlərinə görə, Polşa Belarus rejiminin 365 nümayəndəsinə, Belarus və Rusiya şirkətlərinə qarşı sanksiyaların tətbiqi barədə Avropa ictimaiyyətini məlumatlandırıb.
Varşava həmçinin Belarus və Rusiya yük maşınlarının sərhədi keçməsini qadağan etməyi planlaşdırır.
Bundan əvvəl Polşanın Belarusun 365 vətəndaşına, o cümlədən 159 parlamentari və 15 Rusiya vətəndaşına qarşı sanksiya tətbiq etdiyi bildirilib.
Bu barədə Polşa Daxili İşlər Nazirliyinin mətbuat xidməti məlumat yayıb.