Kreml Ermənistanın Ukraynada Rusiyaya dəstək verməkdən imtinasını “nüans” adlandırıb

Kremlin sözçüsü Dmitri Peskov bildirib ki, Moskva Ermənistanın baş naziri Nikol Paşinyanın NVO ilə bağlı mövqeyi ilə tanış olub.

Peskov "Mayak" radiostansiyasına deyib: "Biz bunu qeyd edirik. Bu, mühüm bəyanatdır".

Onun sözlərinə görə, Kreml “Ermənistanın Ukrayna ətrafındakı münaqişəyə yanaşmalarında müəyyən nüansların olduğunu” anlayır və onlar nəzərə alınır.

“Lakin təbii ki, biz müttəfiq, konseptual müttəfiq münasibətlərimizi inkişaf etdirməyə davam edirik”, - deyə Peskov əlavə edib.

Paşinyan bundan əvvəl bəyan edib ki, İrəvan Ukrayna ətrafındakı vəziyyət və xüsusi əməliyyatda Moskvanın müttəfiqi deyil. O, həmçinin qeyd edib ki, baş verənlər Ermənistanda narahatlıq doğurur, çünki bu, "bütün münasibətlərimizə birbaşa təsir edir".