Netanyahu Putinə deyib ki, İsrail Rusiya ilə İranın yaxınlaşmasından narahatdır

İsrailin baş naziri Benyamin Netanyahu ilə Rusiya prezidenti Vladimir Putin arasında dekabrın 22-də baş tutan telefon danışığının təfərrüatları məlum olub.

Ynet-in məlumatına görə, söhbət uzun olub, tərəflər bir çox məsələləri müzakirə ediblər.

Xüsusilə Netanyahu Moskva ilə Tehranın yaxınlaşmasından “dərin narahatlığını” ifadə edərək, bunun Suriyadakı vəziyyətə təsir edə biləcəyini vurğulayıb.

O əlavə edib ki, Qüds İranın nüvə silahı əldə etməsinə icazə verməyəcək.

Tərəflər Ukrayna böhranını da müzakirə ediblər. İsrailin baş naziri Putinə bildirib ki, o, çoxlu əzab və dağıntılara səbəb olan hərbi əməliyyatların tezliklə dayandırılacağına ümid edir.

mənbə:Mk.ru

Azmedia.Az