Putin: Rusiya Silahlı Qüvvələrinin istifadəsinin prioritetləri ilk növbədə Ukrayna istiqamətinə aiddir

Azmedia.Az RİA Novosti-ya istinadən xəbər verir ki, Rusiya prezidenti Vladimir Putin Rusiya Federasiyası Müdafiə Nazirliyinin rəhbəri Sergey Şoyqu ilə görüşü zamanı bildirib ki, Rusiya Federasiyasının silahlı qüvvələrinin istifadəsi ilə bağlı aydın prioritetləri var.

Rusiya dövlətinin başçısı qeyd edib ki, bu, ilk növbədə Ukrayna istiqamətinə aiddir.

“Bu gün Silahlı Qüvvələrimizdən istifadə ilə bağlı aydın prioritetlərimiz var və bu, hər şeydən əvvəl Ukrayna istiqamətinə və Donbassda, digər yeni ərazilərdə xalqımızın müdafiəsi ilə bağlı hər şeyə aiddir”, - deyə Putin bildirib.

Bundan əlavə, Vladimir Putin bildirib ki, donanmanın, o cümlədən Sakit okeanın inkişafı tapşırığı ləğv edilməyib.

Sergey Şoyqu Vladimir Putinə Sakit Okean Donanmasının qəfil təftişinin gedişi barədə məlumat verib.

Aprelin 14-də Rusiya Federasiyasının müdafiə naziri Sergey Şoyqu bəyan edib ki, Sakit Okean Donanmasının qəfil yoxlamasının əsas məqsədi Rusiya Silahlı Qüvvələrinin okean və dənizdən mümkün düşmənin təcavüzünü dəf etmək qabiliyyətini artırmaqdır. 

mənbə:qazeta.ru

Azmedia.Az