Rusiya ABŞ la bu məsələni müzakirə etməyə hazırdır

“Rusiya ABŞ-la məhbusların dəyişdirilməsini müzakirə etməyə hazırdır”.

Azmedia.Az xəbər verir ki, bunu jurnalistlərə açıqlamasında Rusiyanın xarici işlər naziri Sergey Lavrov deyib.

“Biz bu məsələni müzakirə etməyə hazırıq. Lakin daha əvvəl Vladimir Putin və Cozef Bayden tərəfindən razılaşdırılan kanal vasitəsilə”, - deyə Lavrov jurnalistin müvafiq sualını cavablandırarkən qeyd edib.

XİN rəhbərinin sözlərinə görə, bu kanal öz aktuallığını saxlayır: “Əgər amerikalılar yenidən ictimai diplomatiyasına əl atmaq qərarına gəlsələr, atacaqları addımlara dair səs-küylü bəyanatlar versələr, bu, onların işidir. Hətta deyərdim ki, bu onların problemidir. Amerikalılar çox vaxt bu və bir çox başqa mövzularda sakit peşəkar işə dair razılaşmalara tab gətirmirlər”.