Baki 27°C
Gürcüstanın keçmiş prezidenti Mixail Saakaşvili həyatı uğrunda mübarizə aparır və həbsdən tezliklə azad olunacağına ümid edir, onun gələcəyinin siyasətlə heç bir əlaqəsi olmayacaq.
Azmedia.Az xəbər verir ki, bu barədə Gürcüstanın keçmiş liderinin anası Culi Alasaniya sosial şəbəkələrdə məlumat verib.
“Gürcüstanın keçmiş prezidenti Mixail Saakaşvilinin həyat və ölüm məsələsi həll olunur və mən hamıdan maksimum təmkin nümayiş etdirməyi xahiş edirəm. Mixail Saakaşvili Gürcüstan siyasətinə heç bir müdaxilə etmək niyyətində deyil və ədalətli qərara ümid edir”, - Alasaniya yazır.
Saakaşvilinin anasının sözlərinə görə, oğlu onun zəhərlənməsində Gürcüstanın hazırkı hakimiyyətinin əli olduğuna inanmır.
Xatırladaq ki, dekabrın 1-də “Empati” qeyri-hökumət təşkilatının bir qrup tibbi ekspertinin Mixail Saakaşvilinin səhhəti ilə bağlı hesabatı Gürcüstan mediasına daxil olub. Mütəxəssislərin fikrincə, Saakaşvilinin naməlum etiologiyalı qızdırmaları, yorğunluğu var. Siyasətçi arıqlayır və bədəninin müxtəlif nahiyələrində ağrılar, qıcıqlanma və əzələ spazmları yaşayır ki, bu da naməlum infeksion prosesin və ya zəhərlənmənin nəticəsi ola bilər.
mənbə:Mk.ru
Azmedia.Az
