Ukraynanın Almaniyadakı keçmiş səfiri Andriy Melnik Almaniya kansleri Olaf Şolzu Kiyevi NATO-da görmək istəməməkdə ittiham edib.
RİA Novosti-nin RND portalına istinadən verdiyi məlumata görə, keçmiş diplomat Almaniyanın ali rəhbərliyinin Ukraynaya silah tədarükü məsələsini müzakirə etməkdən yayınması ilə bağlı çaşqınlığını da bildirib.
“Almanlar əmindirlər ki, silah baxımından hər şey qüsursuzdur. Bu, dərhal düzəldilməli olan səhvdir”, - deyə Melnik bildirib.
O, həmçinin əlavə edib ki, Almaniya Nazirlər Kabineti Ukraynanı Şimali Atlantika Alyansının üzvü kimi görmək istəmir. Bununla bağlı Berlinin ölkənin təşkilata daxil olmasını ləngitdiyi iddia edilir.
Andrey Melnik 2015-ci ildən 2022-ci ilin oktyabrına qədər Ukraynanın Almaniyadakı səfiri olub. O, qeyri-diplomatik bəyanatları və səs-küylü siyasi qalmaqalları ilə tanınıb.
Bundan əvvəl həm də xarici işlər nazirinin müavini postunu tutan Melnik Ukraynanın Braziliyadakı səfiri təyin edilib. Bu barədə Latın Amerikası ölkəsinin diplomatik departamenti məlumat yayıb.
mənbə:lenta.ru
Azmedia.Az