Yaponiya hakimiyyəti iyul ayında Polşada mina aşkar edən müasir avadanlıqdan istifadə etməklə Ukraynadan olan istehkamçılar üçün təlimlər təşkil etməyi düşünür.
Təlimə Yaponiya Beynəlxalq Əməkdaşlıq Agentliyi (JICA) rəhbərlik edəcək, kambocalı mütəxəssislər cəlb olunacaq. Bu barədə cümə günü “Sankei Shimbun” hökumətdəki mənbələrə istinadən yazır.
Xatırladaq ki, aprelin sonunda Tokio minaları yüksək dəqiqliklə aşkar etməyə imkan verən dörd Yapon ALIS qurğusunu Kiyevə təhvil verib.
Onlar Ukraynanın Fövqəladə Hallar üzrə Dövlət Xidmətinin mütəxəssislərinin hazırlanmasında istifadə olunacaq.
Uzun illər davam edən vətəndaş müharibələri və silahlı toqquşmalar nəticəsində partlamamış hərbi sursatların aradan qaldırılmasında kifayət qədər təcrübəyə malik olan Kambocada bu qurğulardan fəal şəkildə istifadə olunur.
mənbə:Mk.ru
Azmedia.Az