Türkiyə Xarici İşlər Nazirliyi Britaniya və ABŞ ı taxıl müqaviləsini pozmaq istədiklərinə görə qınayıb

Türkiyənin xarici işlər naziri Mövlud Çavuşoğlu İngiltərə və ABŞ-ın taxıl müqaviləsinin şərtlərinə əməl etmədiyini və Qara dəniz razılaşmasının Rusiya hissəsinin uğursuzluğuna görə məsuliyyət daşıdığını bildirib.
 

O, “TRT Haber” telekanalına müsahibəsində fikirlərini bölüşüb.

“Məndən taxıl müqaviləsinin Rusiya hissəsinin icrası ilə bağlı çətinliklərin davam edib-etmədiyini soruşsanız, cavab verəcəm ki, onlar davam edir. Bu, ABŞ və Böyük Britaniyaya görə baş verir”, - deyə nazir bildirib.

Çavuşoğlu qeyd edib ki, London və Vaşinqton sanksiyaların bu müqavilə üzrə əməliyyatlara şamil edilmədiyini iddia edir, lakin Amerika və Britaniya bankları Rusiya taxıl tədarükünün ödənilməsi üçün əməliyyatlar aparmaqdan imtina edirlər.

Mövlud Çavuşoğlu onu da bildirib ki, BMT Türkiyə prezidenti Rəcəb Tayyib Ərdoğana taxıl müqaviləsinin uzadılması üçün yol xəritəsi təqdim edib, artıq Rusiya və Ukraynaya göndərilib. Orada digər məsələlərlə yanaşı, Rusiyanın kənd təsərrüfatı məhsullarının Ankara tərəfindən ödənilməsi də müzakirə edilir.

Mənbə:lenta.ru

Azmedia.Az