Azərbaycan Prezidenti İlham Əliyev Soçidə Rusiya Prezidenti Vladimir Putinlə görüş zamanı Kemerovo əyalətində baş verən faciə ilə əlaqədar Rusiya tərəfinə başsağlığı verib.
“Mən şəxsən sizə Kemerovo əyalətində şaxtada baş verən faciə ilə əlaqədar başsağlığı vermək istərdim. Təəssüf ki, çox sayda insan həlak oldu. Mən dünən teleqram göndərmişdim, bu gün isə şəxsən sizə və bütün Rusiya xalqına Azərbaycan xalqı adından başsağlığı verirəm”, - deyə Azərbaycan Prezidenti İlham Əliyev bildirib.
Mənbə: RİA Novosti