Azərbaycanın işğaldan azad olunmuş ərazilərinin birində meşədə yenot qeydə alınıb.
Bu barədə görüntülər sosial şəbəkələrdə yayımlanıb.
Bunu Bioloji Müxtəlifliyin Qorunması Xidmətinin rəsmisi Arzu Səmədova Oxu.Az-a açıqlamasında bildirib.
Onun sözlərinə görə, Amerika yenotu ötən əsrdə ölkəmizə iqlimləşdirilməsi üçün gətirilən növdür:
“Daha sonra artaraq çox geniş əraziləri əhatə edən yenotun əsl vətəni Şimali Amerikadır. Hazırda Lənkəran, Zaqatala rayonlarında sayı olduqca çoxdur. Əsasən, gecə həyat tərzi keçirən yırtıcıdır, rütubətli meşələrdə yaşayır, quşların yuvasını dağıdır, onları ovlayır.
Həmçinin, qidasını həşəratlar, gəmiricilər, sürünənlər təşkil edir. Uzun caynaqları vasitəsilə özünü digər yırtıcılardan aqressiv şəkildə müdafiə edir”.