Qazaxıstan prezidenti Rusiyanın ordenindən İMTİNA ETDİ

Qazaxıstan prezidenti Kasım-Jomart Tokayev Sankt-Peterburq Beynəlxalq İqtisadi Forumunda (SPİEF) olarkən Rusiya tərəfdən Aleksandr Nevskinin ordenini qəbul etməkdən imtina edib.

Azmedia.Az xəbər verir ki, bu barədə qazaxıstanlı politoloq Yerbol Yedilov öz "Telegram" kanalında rəsmi mənbələrə istinadən məlumat verib. Tokayevin mətbuat katibi Ruslan Jeldibay "Tengrinews" agentliyinin sorğusuna cavab olaraq bu məlumatı təsdiqləyib. Kreml də mükafatın planlaşdırılmadığını bildirib.

Yedilovun sözlərinə görə, Tokayev "şərəf üçün təşəkkür edib", lakin Qazaxıstan prezidenti prezidentlik fəaliyyətini dayandırana qədər həm yerli, həm də xarici heç bir mükafatı qəbul etməmək qərarına gəlib. Edilovun sözlərinə görə, Tokayev Qırğızıstanın ən yüksək dövlət mükafatı olan birinci dərəcəli “Manas” ordenini qəbul etməyib.

Ətraflı

Rusiya prezidentinin mətbuat katibi Dmitri Peskov da öz növbəsində “Podyom” teleqram kanalına bildirib ki, Tokayevin Aleksandr Nevski ordeni ilə təltif edilməsi planlaşdırılmayıb.

“Bu məlumatın haradan gəldiyini bilmirəm, çünki mükafat nəzərdə tutulmayıb. Bununla bağlı heç bir plan yox idi”, - Kreml sözçüsü bildirib.(redaktor.az)