Tramp da Ukraynada baş verənləri soyqırımı adlandırdı

ABŞ-ın keçmiş Prezidenti Donald Tramp Ukraynada baş verən hadisələri soyqırımı adlandırıb.

Azmedia.Az “RİA Novosti”yə istinadən xəbər verir ki, Tramp bu barədə “Fox News” telekanalına telefon vasitəsilə verdiyi müsahibəsində danışıb.

“Ukraynada baş verənlər soyqırımıdır”, - deyə Tramp söyləyib.

Xatırladaq ki, ABŞ Prezidenti Co Bayden ilk dəfə olaraq Rusiyanın Ukraynaya qarşı həyata keçirdiyi müharibəni soyqırımı adlandırıb. Bununla belə, Fransa Prezidenti Emmanuel Makron amerikalı həmkarından fərqli olaraq ukraynalılarla bağlı soyqırımı ifadəsini işlətməkdən imtina edib.