Türkiyədən “S 400”lərlə bağlı KRİTİK QƏRAR: aktivləşdirildi və 6 saatlıq...

Türkiyə Rusiya istehsalı olan S-400 raket əleyhinə müdafiə sistemini sınaqdan keçirməyə hazırlaşır.

Azmedia.Az Konkret.az-a istinadən xəbər verir ki, bu haqda məlumatı Reuters agentliyi yayıb.

Türkiyənin Qara dəniz sahillərində hava və dəniz məkanını məhdudlaşdırmaq barədə bildirişlərindən sonra raket sistemləri bölgəyə daşınıb.

Türkiyənin “S-400” raketlərini təxminən 6 saatlıq bir müddətdə radar testindən keçirəcəyi iddia edilib.

Rusiyadan alınan raket əleyhinə müdafiə sisteminin sınaqdan keçirilməsi NATO-nun raket əleyhinə sistemləri ilə uyğun gəlmir və bu, rəsmi Ankaranın ABŞ ilə münasibətlərini daha da gərginləşdirəcək.

ABŞ, həmçinin S-400-ün inteqrasiyasının Rusiyanın F-35 qırıcıları da daxil olmaqla, NATO-nun müdafiə sistemi barədə məlumat əldə etməsinə imkan verəcəyindən narahatdır.