Sabah qaz olmayacaq: Bu ərazilər siyahıdadı
Sabah saat 09:30-dan etibarən Yevlax rayonu Cırdaxan kəndi, Qaçqın şəhərciyi, 210 evlik Yeni yaşayış massivi, İrəvanlı qəsəbəsi, N.Əlizadə, Ceyhun Mustafayev və R.Budaqov küçələrində 1 010 abonentin qaz təchizatının dayandırılması planlaşdırılır.
Azmedia.Az xəbər verir ki, bu barədə Tərtər Regional Qaz İstismar İdarəsi məlumat yayıb.
Bildirilib ki, qaz təchizatının dayandırılması Yevlax-1 ölçü qovşağından qidalanan daşıyıcı sənaye qaz kəmərində xidmət sahəsi tərəfindən aşkarlanan sızmaların ləğv olunması ilə əlaqədardır.
Qaz təchizatı təmir işləri başa çatdıqdan sonra bərpa ediləcək.
