Təyyarədə bu içkilərdən uzaq durun – Həkim XƏBƏRDARLIQ ETDİ

Uçuş zamanı seçdiyiniz içkilər səhhətinizə və özünüzü necə hiss etməyinizə təsir edə bilər. Mütəxəssis sərnişinlərə bəzi içkilərdən uzaq durmağı tövsiyə edib.

Azmedia.Az xəbər verir ki, dietoloq Andrea Matis təyyarədə uçuş zamanı 7 növ içkidən imtina etməyi məsləhət görüb.

Onun sözlərinə görə, təyyarədə alkoqollu içkilərdən istifadə etmək məsləhət görülmür. Alkoqol sidikqovucu təsir göstərdiyindən orqanizmdə susuzlaşmanı artıra bilər.

Eyni səbəbdən çay, qəhvə və enerji içkilərinin qəbulunu da məhdudlaşdırmaq tövsiyə olunur. Bu içkilərin tərkibindəki kofein bəzi insanlarda narahatlıq və gərginliyi artıra bilər.

Mütəxəssis həmçinin qazlı içkilərə diqqət çəkib. Belə içkilər qarında şişkinliyə səbəb ola bilər və kabinədəki təzyiq dəyişiklikləri zamanı bu narahatlıq daha çox hiss edilə bilər. Şəkərli qazlı içkilər isə qanda qlükozanın sürətlə yüksəlməsinə və sonradan enerji səviyyəsinin azalmasına səbəb ola bilər.

Bundan başqa, südlü kokteyllər və qatı smuzilər də uçuş zamanı mədə-bağırsaq narahatlığı yarada bilər. Buna səbəb onların tərkibində yağlı və ağır inqrediyentlərin olmasıdır.