Sarayda Qurd Dərəsi ərazisində zibillik problemi: Sakinlər narazıdır – ƏTRAFI PİS QOXU BÜRÜYÜB-

Abşeron rayonunun Saray qəsəbəsində, Qurd Dərəsi adlanan ərazidə yaranan zibillik sakinlərin narahatlığına səbəb olub. Ərazidə məişət tullantılarının ətrafa səpələnməsi həm antisanitar vəziyyət yaradır, həm də ətraf mühitin görünüşünü korlayır.

Azmedia.Az xəbər verir ki, sözügedən ərazidə zibil qablarının olmaması tullantıların ətrafa atılmasına səbəb olan əsas amillərdən biri kimi göstərilir.

Mövcud vəziyyət nəticəsində ərazidə müxtəlif məişət tullantıları toplanaraq böyük zibillik görüntüsü yaradıb. Eyni zamanda, tullantıların vaxtında yığışdırılmaması və ətrafa səpələnməsi ərazidə xoşagəlməz mənzərəyə səbəb olur. Yayılan pis qoxu isə ətrafda yaşayan və həmin ərazidən istifadə edən insanların narahatlığını artırır.

Digər tərəfdən, zibil qablarının mövcud vəziyyəti və ətrafında yaranan çirklənmə də ümumi mənzərəyə mənfi təsir göstərir. Ərazidə tullantıların toplanması üçün müvafiq şəraitin yaradılmaması problemin daha da dərinləşməsinə şərait yaradır.

Məsələ ilə bağlı aidiyyəti qurumların ərazidə zibil qablarının yerləşdirilməsi, mövcud tullantıların təmizlənməsi və mütəmadi sanitar təmizlik işlərinin aparılması istiqamətində tədbirlər görməsi vacibdir.

Sakinlər üçün təmiz və sağlam ətraf mühitin təmin olunması məqsədilə problemin diqqətdə saxlanılması gözlənilir.

Aidiyyəti qurumlara müraciət olunub, cavab daxil olduqda dərc ediləcək.