İlham Əliyev: Heydər Əliyev o vaxt Azərbaycanda olsaydı, Qarabağda separatizm meyillərinin yaranmasına imkan verməzdi

Prezident İlham Əliyev Heydər Əliyevin Azərbaycanda olmadığı dövrdə Qarabağda separatizm meyillərinin yaranması barədə danışıb.

Azərbaycan Prezidenti İlham Əliyev Heydər Əliyevin Azərbaycanda olmadığı dövrdə Qarabağda yaranmış separatizm meyilləri barədə fikirlər səsləndirib.

Dövlət başçısı bu barədə 2 oktyabr 2026-cı ildə Bakıda, Heydər Əliyev Mərkəzində keçirilən Yeni Azərbaycan Partiyasının VIII Qurultayında çıxışı zamanı danışıb. 

İlham Əliyev bildirib:

“Əgər Heydər Əliyev o vaxt Azərbaycanda olsaydı, heç vaxt imkan verə bilməzdi ki, Azərbaycan xalqının başına bu oyunlar açılsın, heç vaxt imkan verməzdi ki, separatizm meyilləri Qarabağda yer alsın.” 

Prezident vurğulayıb ki, Azərbaycan xalqı bütün bunları yaxşı bildiyi üçün öz nicat yolunu yalnız Heydər Əliyevlə bağlayırdı. 

Qeyd edək ki, YAP-ın VIII Qurultayı Bakıda, Heydər Əliyev Mərkəzində keçirilir. Qurultaya partiyanın rayon və şəhər təşkilatları tərəfindən 960 nümayəndə seçilib. Qurultaya hazırlıq çərçivəsində sentyabrın 7-dən 19-dək YAP-ın 84 yerli təşkilatında hesabat konfransları keçirilib və həmin konfranslarda ümumilikdə 16 239 nəfər iştirak edib.