Bu tarixədək qeyri-sabit hava davam edəcək - XƏBƏRDARLIQ
Azərbaycanda yaxın günlərdə hava şəraitinin qeyri-sabit keçəcəyi gözlənilir.
Azmedia.Az xəbər verir ki, Milli Hidrometeorologiya Xidmətindən verilən məlumata görə, bölgələrdə yağıntılı hava şəraitinin avqustun 14-dək davam edəcəyi proqnozlaşdırılır. Bəzi ərazilərdə yağışların leysan xarakterli və intensiv olacağı, şimşək çaxacağı və dolu düşəcəyi ehtimal edilir.
Məlumata əsasən, avqustun 11-12-də dağlıq və dağətəyi rayonlarda yağıntıların daha da güclənməsi mümkündür.
Yağıntılı hava çaylarda sululuğun artmasına səbəb ola bilər. Bəzi dağ çaylarında isə qısamüddətli sel hadisəsinin baş verməsi istisna edilmir.
