Lerikdə torpaq sürüşməsi: Ev, tövlə, mal-qara torpaq altında qaldı
Lerikdə torpaq sürüşməsi olub.
Azmedia.Az-ın verdiyi məlumata görə, hadisə bu gün günorta saatlarında baş verib. Rayonun Lərmərud kəndində baş verən hadisə nəticəsində bir ev tamamilə torpaq altında qalıb.
Kənd sakini, 1959-cu il təvəllüdlü Nəbulla Məmmədhüseyn oğlu Baxşıyevə məxsus birmərtəbəli 4 otaqlı ev, şəxsi təsərrüfat, iribuynuzlu heyvanlar üçün tikilmiş tövlə, 4 baş qaramal və 4 baş buzov tamamilə torpaq altında qalıb.
Hadisə zamanı evdə olan N.Baxşıyev ilə həyat yoldaşı xoşbəxtlikdən xəsarət almayıb.
Onlar hazırda qohumlarının evlərinə yerləşiblər.//apa
