Ağ Evin mətbuat katibi vəzifəsini tərk edir – Səbəb məlum oldu
Qərarını açıqlayan Karolin Livitt bu addımını ailəsinə və azyaşlı övladlarına daha çox vaxt ayırmaq istəyi ilə izah edib.
Azmedia.Az xəbər verir ki, ABŞ Prezidenti Donald Trampın administrasiyasında Ağ Evin mətbuat katibi vəzifəsini tutan Karolin Livitt ayın sonunda postunu tərk edəcək.
28 yaşlı Livitt qərarını iki azyaşlı övladına daha çox vaxt ayırmaq istəyi ilə əlaqələndirib. O, sosial şəbəkədə paylaşdığı açıqlamada may ayında ikinci övladı – Viviana adlı qızı dünyaya gəldikdən sonra Ağ Evə qayıtdığını bildirib.
Livitt mətbuat katibi vəzifəsinin tələb etdiyi yüksək iş tempini iki azyaşlı övladının ehtiyacları ilə eyni vaxtda qarşılamağın çətin olduğunu qeyd edib.
“Bu, acı-şirinli bir qərardır”, – deyə Livitt bildirib.
ABŞ Prezidenti Donald Tramp isə onun qərarını anlayış və hörmətlə qarşıladığını açıqlayıb. Tramp Livittin bundan sonra da yaxın çevrəsində fəaliyyət göstərəcəyini bildirib.
Prezident onun “əsas xarici məsləhətçilərindən biri” və Respublikaçılar Partiyasında təsirli fiqur kimi fəaliyyətini davam etdirəcəyini qeyd edib.
Karolin Livitt Ağ Evin tarixində mətbuat katibi vəzifəsini tutan ən gənc şəxs kimi tanınır. O, Trampın 2024-cü il prezident seçki kampaniyasına qoşulmazdan əvvəl onun tərəfdarı olan MAGA Inc. super siyasi fəaliyyət komitəsində sözçü vəzifəsində çalışıb.
Hazırda Tramp administrasiyası Livittin yerinə kimin təyin ediləcəyini açıqlamayıb.
