Şəkidə "KamAz" yaşlı qadını vuraraq öldürüb
Şəki rayonunda "KamAz" yaşlı qadını vuraraq öldürüb.
Azmedia.Az xəbər verir ki, "report" un Şimal-qərb bürosunun məlumatına görə, hadisə rayonun Baş Zəyzid kəndində baş verib.
Sürücü Tərlan Siracəddinov idarə etdiyi "KamAz" markalı yük avtomobilini geriyə hərəkət etdirərkən piyada, 69 yaşlı Solmaz İsayevanı vurub. Piyada aldığı xəsarətlərdən hadisə yerində ölüb.
DİN Mətbuat Xidmətinin regional qrupundan bildirilib ki, faktla bağlı cinayət işi başlanılıb, araşdırma aparılır.
