Yevlaxda ağır qəza: Avtobus aşdı, 22 nəfər xəsarət aldı - FOTO

Bu gün səhər saatlarında Yevlaxda avtobus aşıb, yaralananlar var. 

Azmedia.Az-ın bölgə müxbirinin əldə etdiyi məlumata görə, idarəetmədən çıxan avtobus aşıb. 28 nəfər yaralanıb. Yaralı sərnişinlər saat 07:20 radələrindən başlayaraq 22 nəfər (9 kişi, 13 qadın) Mingəçevir Şəhər Mərkəzi Xəstəxanasının Təcili tibbi yardım şöbəsinə hospitalizasiya olunub. 

Müxtəlif bədən xəsarətləri alan pasiyentlərə zəruri tibbi xidmətlər göstərilib.

Vəziyyəti ağır qiymətləndirilən 1 nəfər daha ixtisaslı tibbi xidmət almaq üçün özəl tibb müəssisəsinə təxliyə olunub.

Hazırda 21 nəfərin tibb müəssisəsinin müvafiq şöbələrində müalicələri davam etdirilir. 1 nəfərin vəziyyəti ağır, 1 nəfərin vəziyyəti orta ağır, digərlərinin vəziyyəti isə stabil qiymətləndirilir. İlkin məlumata görə, qəzaya düşən avtobus fəhlələri işə aparırmış. Faktla bağlı araşdırma  aparılır.

Ehtiram Muradov

Azmedia.Az